លោកអភិបាលអូលីវីយេ ជ្មីតអីស្លែរ អញ្ចើញ សម្ពោធមណ្ឌលយុវជនលោកពុករួរ និង អាងទឹក

កាលពីរសៀលថ្ងៃទី ៣១ ខែ តុលា ឆ្នាំ ២០១៣ កន្លងទៅនេះ ​ នៅសាលាបច្ចេកទេសដុនបូស្កូខេត្តកែបបានសម្ពោធដាក់ឲ្យប្រើប្រាស់

មណ្ឌលយុវជនលោកពុករួរ និង អាងទឹក
​​​​ក្រោមអធិបតិភាពរបស់ 

លោកអភិបាល អូលីវីយែ ជ្មីតអីស្លែរ

ជាអភិបាលព្រះសហគមន៍ភូមិភាគភ្នំពេញ
លោកពុក Jhon visser ប្រធានមូនិធិដុនបូស្កូកម្ពុជា

លោក ពុក លី សំណាង គណៈគ្រប់គ្រងសាលាដុនបូស្កូខេត្តកែប

លោកគ្រូអ្នកគ្រូ និង និសិត្សនៃសាលាបច្ចេកទេសដុនបូស្កូខេត្តកែប ។

          តាមរបាយការណ៏បូកសរុបរបស់លោកនាយកបានអោយដឹងថា

អគារលោកពុករួរ ត្រូវបានកសាងឡើងនៅក្នុង​ឆ្នាំ ២០០១ ដោយមានការជួយឧបត្ថមពីអង្គការមួយនៅប្រទេស បែលជីម  

ក្នុងគោលបំណងសំរាប់​អោយយុវជន និង យុវនារីដែលសិក្សានៅសាលាដុនបូស្កូដ៏ទៃទៀតបានមកស្នាក់និងធ្វើ​សិក្ខាសិលា។ ក្នុងឆ្នាំ២០១១ មូលនិធិដុនបូស្កូកម្ពុជាបានសំរេចចិត្តយកទីតាំងនេះដើម្បីជួយសំរួលដល់​យុវជនក្រីក្រ     ដែលមកពីខេត្ត កែប កំពត និង តាកែវ អោយសិក្សារដោយមិនត្រូវការធ្វើដំណើរទៅខេត្ត​ឆ្ងាយ។

រហូតដល់ដើមឆ្នាំ ២០១៣ អង្គការ Europhean Patent Office បានឧបត្ថម្ភនៅទឹកប្រាក់មួយចំនួនដើម្បីជួលជុលជាន់ទាល់ដី ហើយការខាន់បន្ទប់ក៏ដូចជាជួសជុលអគារជាន់ទី១ គឺមានការឧបត្ថម្ភយ៉ាងពេញទំហឹងពី អង្គការ WD និង Roter Dam។

លោកនាយកបានបន្ថែមទៀតថាចំនែកឯអាងទឹកវិញ

ដំបូងគឺគិតត្រឹមតែជាអាងទឹក​សំរាប់ផ្គតផ្គង់ទឹកដល់អាគារដ៏ទៃតែប៉ុណ្ណោះ​ ដោយសារតែខេត្តកែបមិនទាន់មានប្រព័ន្ធទឹក​ស្អាតគ្រប់​គ្រាន់ ប៉ុន្តែដោយមើលឃើញថាសាលានៅខ្វះបន្ទប់សំរាប់អ្នកគ្រូស្នាក់នៅ​​  គណៈគ្រប់គ្រង់សាលាក៏បានសំរេចចិត្តកែសំរួលអាងទឹកនោះទៅជាផ្ទះ

ដែលមាន៤ជាន់​ក្នុងនោះជាន់ផ្ទាល់ដី ជាន់ទី១ និង ជាន់ទី២ ជាបន្ទប់សំរាប់អ្នកគ្រូស្នាក់ ជាន់ទី៣ ជាកន្លែងទំនេរសំរាប់ប្រជុំ ឫ លំហែរកាយ

និងជាន់ទី៤ ជាកន្លែងសំរាប់ដាក់សីទែនទឹក​ដែលផ្ទុកចំនុះទឹកបាន ៨០០០០ លីត្រ ហើយក៏មានអាងទឹកក្រោមដីដែលអាចស្ទុកទឹកបាន​រហូតដល់ ៥០០០០ លីត្រផងដែរ។ ផ្ទះអាងទឹកនេះត្រូវបានជួយឧបត្ថម្ភ ដោយការិយាល័យកណ្ដាលរបស់អង្គការ

ដុន បូស្កូ អន្តរជាតិ​នៅប្រទេសអាលឺម៉ង់ នៃទីក្រុង បុន

និង ក៏មានការចូលរួមឧបត្ថម្ភពីអង្គការ Roter Dam ដែលចំណាយទឹកប្រាក់អស់ប្រមាណ​ជិត៥មឺនដុល្លារអាមេរិច។

          ស្រប់ពេលជាមួយគ្នានោះដែរ លោកពុក ចន វីសឺ (Jhon Visser) បាន​កោតសរសើរដល់គណៈគ្រប់គ្រង់សាលាដុនបូស្កូខេត្តកែប​

ដែលបានរៀបចំសាងសង់អាគារ​យ៉ាងច្រើនសំរាប់សិក្សា និង ស្នាក់នៅ ហើយគាត់ក៏បានអរគុណដល់ម្ចាស់ជំនួយដែលបាន​ឧបត្ថម្ភដល់សាលា។

          នៅក្នុងឱកាសដ៏ពិសេសនោះ លោក អភិបាល អូលីវីយែរ មានប្រសាសន៍ថា គាត់សប្បាយចិត្តណាស់ដោយសារតែកាលពីមុនទីតាំងនេះជាព្រៃប៉ុន្តែ­ឥឡូវនេះបានប្រែក្លាយ​ទៅជាសាលាដែលមានភាពស្រស់ស្អាត ហើយគាត់មានមតិផ្តាំផ្ញើរដល់និសិត្សគ្រប់រូបអោយ​ខិតខំរៀនសូត្រដើម្បីជួយអភិវឌ្ឍន៍ប្រទេសជាតិអោយមានភាពរីកចំរើន។

          ជាចុងក្រោយគណៈអធិបតី អញ្ជើញកាត់ខ្សែបូរដើម្បីសម្ពោធ និង ដាក់អោយប្រើប្រាស់ជា​ផ្លូវការ ហើយគណៈអធិបតី និង ភ្ញៀវកិត្តិយស ក៏បានដើរទស្សនាកន្លែកមួយចំនួននៅក្នុងសាលាផងដែរ។